Қазақстанда қоғамдық көлікке бала арбасымен мінуге тыйым салынбайды. Бұл туралы Көлік министрлігі мәлімдеді.
Жаңа өзгерістерге сәйкес, автобус салоны шамадан тыс толған жағдайда, бос орын болса, ата-аналарға бала арбасын жинап алып жүру ұсынылады. Бұл ретте арба жолаушылардың қозғалысына кедергі келтірмеуі тиіс.
Алайда ата-анаға арбаны жинау қолайсыз болса, оны жайылған күйінде қалдыруға болады.
Министрлік бала арбасын жинамаған ата-аналарға айыппұл салынбайтынын, сондай-ақ оларды автобустан түсіру немесе өзге де жаза қолдану көзделмегенін түсіндірді.
